Written By: Nazia Amir

From: London, Ontario

موسم سرما

وقت رخصت ہے، اب رختِ سفرباندھ اے خزاں

موسم سرما کا ہر سو چھا رہا ہے اک  سماں

زندگی کی ہررمق سے یوں شجر محروم ہیں

سوگ میں ہے خود زمین  ،ہو کےبےاب وگیاں

موت کی سی ٹھنڈک ہے، ہرطرف فضاؤں میں

معاملات دنیا ہیں گو  چار سو رواں دواں

سفید  چادر برف کی اوڑھ لی زمین نے

 زندکی لاچار ہے،سوئے کفن  یوں ناتواں

ہو گئ قربان مالک  کی رضا پر ، کائنات

رکھ لیا روزہ زمیں نے، سوچ تو بھی اے ناداں

وَأَذِنَتْ لِرَبِّهَا وَحُقَّتْ 

حق یہی ہے،  ہووہ مطیع مالکِ از  دوجہاں

ہے  فلاح تیری بھی مضمر بس اسی اک راز میں

رب کی جانب تو بھی ہرپل جا رہا ہے کشاں کشاں

اپنی ہستی اور خودی کو خود بھی پہچانا نہ تو

کر سرِتسلیم خم  ، بس  نام کا  کیوں ہے مسلماں؟؟

چھوڑدے پستی زمیں کی ، کر نگاہ کو کچھ بلند

جھانک مستقبل میں اپنےاور ڈھونڈ اوپر آسماں