مسلمانوں اب خوشیاں مناؤ سبھی پیارا رمضان آیا ہے
رحمتیں ساری سمیٹوکہ پیارا رمضان آیا ہے

گنواؤ نہ موقع مغفرت پاؤ پیارا رمضان آیا ہے
اللہ بھی جلوہ نما ہے پہلے آسمان پر پیارا رمضان آیا ہے

سمیٹوجھولیاں بھر بھرنیکیاں، پیارا رمضان آیا ہے
پابند سلاسل ہواشیطان، پیارا رمضان آیا ہے

بھوک پیاس کی نہ کرو فکر پیارا رمضان آیا ہے
فلاح آخرت کی فکر ہو، پیارا رمضان آیا ہے

سحر و افطار کی برکتیں بے شمار، پیارا رمضان آیا ہے
تراویح کی رونقیں چار سو، پیارا رمضان آیا ہے

غریبوں کے دسترخوان میں برکتیں، پیارا رمضان آیا ہے
کیسا پیارا ہے نظام زکوٰۃ، پیارا رمضان آیا ہے

درس تدریس کی محفلوں کی ہےکہکشاں، پیارا رمضان آیا ہے
کر دو اصلاح کردار اسی ماہ پیارا رمضان آیا ہے

پالو فلاح ليلة القدر میں، پیارا رمضان آیا ہے
اللہ نے دیا ہے انعام، پیارا رمضان آیا ہے

تینوں عشروں کے ثواب ہیں سمیٹنا، پیارا رمضان آیا ہے
باب ریان سے ہے گزرنا، پیارا رمضان آیا ہے

سعیدہ افشاں ایجکس 🌹🌹🌹